2020年2月16日 星期日

情迷克羅地亞 2019.到訪君臨城 | 杜布羅夫尼克 Dubrovnik – The King’s Landing (多圖)

(請自動播放 Game of Thrones 主題曲 please)


來到亞得里亞海上明珠、我們honeymoon最後一站,克羅地亞的Dubrovnik(杜布羅夫尼克)——《權力遊戲》中的君臨城 King's Landing,呀呀呀呀!我終於黎到啦!(勁興奮!)

由airbnb露台望過去的King's Landing/Dubrovnik Old Town

位於克羅地亞南端的Dubrovnik,對於香港人來講應該唔算係熱門景點,甚至好多人應該連聽都未聽過,但其實即使係神劇GoT係度拍之前,呢個擁有自中世紀保存得最完整圍牆、靠山畔海的小城,加上完美的陽光+海水,已經係歐洲超熱門的度假地點之一,而GoT只係「火上加油」(!?),仲有Starwars都係呢度拍,唔少本地居民更係part time茄哩啡,令呢度更出名,更多人來遊覽。

2020年1月13日 星期一

情迷克羅地亞 2019.斯普利特 Split.《權力的遊戲》拍攝地 | 龍母彌林王座

Where are my dragons????????   It's here - in Split, a.k.a City of Meereen.

戴克里先宮 Diocletian’s Palace
在Game of Thrones中,龍母在City of Meereen個throne room就係呢度,同埋鎖住佢個3隻baby dragons
離開ZadarTrogir,繼續自駕南下來到Split,正正式式開展我的《權力的遊戲》(Game of Thrones/GOT) 追劇之旅。因為呢度除了係克羅地亞好出名的度假勝地、歷史名城,亦係神劇GOT其中一個拍攝地。

2020年1月6日 星期一

情迷克羅地亞 2019.特羅吉爾Trogir.世界文化遺產中世紀環海古城冬季恕不招待

Trogir的獨特魅力 - 在於冬天景點唔開,我都覺得呢個地方幾正幾chilled~

Trogir 特羅吉爾
上午大約11點我地離開了Zadar札達爾,繼續南下,係前往下一個比較大既城市 - Split 斯普利特的中途會經過一個聯合國教科文組織世界遺產級的小古城 - 特羅吉爾Trogir,我地來到呢度先食個lunch。

2019年12月22日 星期日

情迷克羅地亞 2019.在札達爾 Zadar 聽海風的聲音

在海風琴吹吹海風,聽~海哭的聲音~

海風琴 Sea Organ
十六湖自駕來到札達爾 Zadar 大約2小時,第一站去check in先。Zadar古城區係一個長方形半島,我地的住宿 Zadera Accomodation (Google Map Link) 就係海風琴附近,內部裝修好精緻又舒服,個host super nice,有簡單早餐食,而部車就求其泊左係樓下。

2019年12月15日 星期日

情迷克羅地亞 2019.十六湖國家公園 Plitvice Lakes

有「歐洲九寨溝」之稱的十六湖國家公園 Plitvice Lakes

經典打卡位
在十六湖附近的住宿一早起身,在bnb食左個簡單既早餐,就行一條大約15分鐘既山路去十六湖國家公園既售票處,entrance 2既售票處都有兩個,本身我去錯左個係停車場附近未開既,然後好快就去返岩個個(酒店附近/ P1)。

其實十六湖好大,你無票其實就咁都可以行入去,只係入場票係包咗入面既shuttle bus和遊船,要半日內完成,都走唔甩要搭呢d交通工具。

我地一入去,as advised by 職員,首先去搭shuttle前往entrance 1,基本上我地係圍住下湖區逆時計走一圈,即係route B。由於我地去的時候係3月尾,仲係冬季,所以上湖區係唔開既。

2019年12月9日 星期一

情迷克羅地亞 2019.浪漫水城羅維尼(Rovinj)+ 普拉(Pula)

充滿意大利風情的克羅地亞小鎮 - 羅維尼(Rovinj)

個海勁靚
經歷左好幾個鐘既長途揸車,中午由Zagreb出發,我地下午5點幾終於到左羅維尼既入口,但由於我地唔熟路,同埋miss左酒店send比我地既email,我地好猶疑咁將我地架車泊左係小鎮入口外面既停車場。不過其實酒店係另外有free parking比我地,我地check-in個下先知道已經懶得再移動架車了。

2019年10月14日 星期一

情迷克羅地亞 2019.薩格勒布 Zagreb遊記

由德國、奧地利來到克羅地亞,就表示我地既honeymoon已經過左一半。但我覺得旅程最精彩既部份就係克羅地亞既呢7日。

聖母升天大教堂 Zagreb Cathedral - 全克羅地亞最高既建築物
Zagreb 薩格勒布係克羅地亞既首都,Old town唔算好大,唔算係個好exciting既地方,我地中午來到stay個24小時就已經好夠。

我地個日一落Flixbus就去搵找換店用洗剩既歐羅唱啲克羅地亞錢——Kuna 庫納,當時匯率大概係1Kuna:1.2HKD咁上下啦。之後就搭電車去airbnb。不過我地蠢左,以為車飛可以係車度買。在車上司機係有賣,但只係賣貴個種索價都30kuna,平啲幾蚊kuna個種單程票可以在報紙檔買到。

住宿附近既大廣場