〔德國住宿〕GP小鎮 四季酒店 Hotel Vier Jahreszeiten

未講楚格峰之前先講附近住宿！此四季不同彼四季呀（Four Seasons），唔好搞錯！（笑）

酒店門口

為了可以maximise遊玩時間，一早衝上楚格峰，決定由富森 Fussen 直接過來Garmisch-Partenkirchen先過一晚。這個小鎮位於阿爾卑斯山腳，附近有多個滑雪場，加上曾舉辦過冬季奧運，也是頗出名的渡假勝地，所以有好多住宿選擇。


考慮到抵達時可能已經入夜，所以我揀左地點最方便的一間 － 四季酒店 Hotel Vier Jahreszeiten（拿～我就覺得中文譯名好誤導人啦！不過Vier Jahreszeiten德文真係解作四季）。隔離就係火車站、巴士站，距離上楚格峰的登山火車站大約5分鐘步程。

一間酒店最重要應該係張床 － 呢張就「林」左少少

房間另一面－homey的梳化仔、舊式書桌

房間有wifi，相當順暢！

正正常常的洗手間

洗頭水個啲係samples版，我覺得頹左少少

洗手間門口對面是一個好大的復古衣櫃，足夠放好多冬天大褸、羽絨。

滑雪用具可以放於reception個層的儲物室。

窗外就係火車站、巴士站

懶到一個點就係在酒店餐廳食埋晚餐，又幾好食啵，好食過慕尼黑火車站附近有一間tripadvisor排名唔錯的餐廳架！Surprise！

呢碟「燉豬肉配薯球酸菜」，我試左好幾間，呢間算唔錯！

早餐都係同一家餐廳，食物選擇幾豐富，唔錯架！

有乜感想？Overall唔錯，地點方便，房間乾淨企理，設計係舊啲（or you may say traditional），無熱水壺（扣分，因為這個地區係凍啲，有熱水飲好重要），但夠暖氣，作為過夜酒店算係咁！有電梯，職員友善幫到手，但reception並非24小時有人，就算係within working hour都未必有人，因為佢地都兼任餐廳侍應，好多時要「㩒鐘仔」叫人由餐廳過返黎招呼你。餐廳質素唔錯，值得一讚！

會唔會再住？會考慮既，又未正到返黎一定要再住，有得揀會想試下其他囉。

Factbox： 用hotels.com訂了一晚，到付連稅€99。

德國GP小鎮 四季酒店 Hotel Vier Jahreszeiten
地址：Bahnhofstraße 23, 82467 Garmisch-Partenkirchen, 德國
酒店官網： Vier Jahreszeiten

我在GP去左邊？

〔德國雪山〕德國最高 楚格峰
〔德國棧道〕GP秘景 帕特納赫谷 Partnach Gorge

延伸閱讀：

德國荷蘭12日春遊紀事2016： 行程概覽、準備篇。

2019年再遊德國：
2019年東歐（德國、奧地利、克羅地亞）蜜月之旅．行程概覽
去慕尼黑睇拜仁慕尼黑 @安聯球場Allianz Arena
在法蘭克福的24小時